ഈ മഴയിലെന് മൗനം ഈറന് അണിഞ്ഞിരുന്നുവോ...
അതിന്റെ കുളിരില് ഞാനും നനഞ്ഞിരുന്നുവോ..
അതോ അവളുടെ കണ്ണുനീരില് കുതിര്ന്ന വാക്കുകളില്,
എന്റെ ശരികള് തെറ്റെന്നു മുദ്രകുത്തപ്പെടുന്നതാണോ....?
പറയാന് മറന്നുപോയ, പറയാതെ ചേര്ത്തു വച്ച
പ്രണയത്തിനുമപ്പുറം എന്നില് ഞാന് കണ്ട,
മൗനത്തിന്റെ പരിഭാഷയോ അവളുടെ കണ്ണുകള്
അതോ കണ്ടുമറന്ന മുഖങ്ങളിലെ വെറും പരിഹാസമോ ?
....ഈ നേര്ത്ത കുളിരില് ഞാനും എന്റെ സ്വപ്നങ്ങളും
അതില് ഏഴ് നിറങ്ങള് ചാലിച്ചെഴുതിയ
ഓര്മകളും അലിഞ്ഞില്ലാതെ പോകുകയാണോ...?
തോരാതെ പെയ്യുന്ന മഴത്തുള്ളികളിലെവിടെയോ
അവളുടെ കണ്ണുനീരും...
പെയ്തു തോരാതെ...... ആരുമറിയാതെ ......
പതിയെ ഈ മഴയും പെയ്തു തീരുമ്പോഴും
വിണ്ണിലലപോലെ കുഞ്ഞു മേഘങ്ങളായ്
മിന്നലിനൊളിനാളമായി .....
അവനും പതിയെ അകന്നുപോകുന്നു
അവളുടെ മൗനത്തിനു പരിഭാഷയറിയാതെ....
